Duela urtebete inguru, Lemoizko Udalak topaketa batzuk antolatu zituen Gobernu Talde berria aurkezteko eta dauden kezkak eta beharrak entzuteko eta horiei heltzeko moduak aztertzeko. Kanal zuzen eta eraginkor hau ezarri eta urtebetera, topaketa hauek berriro errepikatuko dira udalerria zein egoeratan dagoen ikusteko eta hobetzen jarraitzeko sinergiak aurkitzeko. Hauek dira datak eta orduak:
Azaroak 29, barikua
- Urizar, 17:30ean.
- Andraka, 19:00etan.
Abenduak 4, eguaztena
- Armintza, 18:30ean.
Topaketa horiek herritarrentzat irekiak izango dira, eta auzo bakoitzaren beharrak eta proposamen zehatzak entzutean oinarrituko dira, herritarren parte-hartzea eta jarduera sustatuko duten lan-espazioak sortzeko.
