Lemoizko IV. San Silvestrea egingo dute abenduaren 31ko eguerdian

Nahia Martinez Gondra 2024ko abe. 23a, 13:04
Deskargatu Info Ahotsak :
es en fr

Armintzako portuan hasiko da lasterketa.
Urte amaierako herriko lasterketa Armintzako kaleetan zehar ospatuko da datorren abenduaren 31n. Lemoizko San Silvestre Herrikoiaren laugarren urtea da eta haurrek zein helduek parte hartu ahal izango dute. Proba 12:00etan hasiko da.

Armintzako portutik abiatuta eta bi ibilbide izango dira:

  • 1. 14 urtetik beherakoentzako ibilbide laburra, Armintzako herriguneko kaleetan zehar bakarrik egingo dena: 6 urtetik beherakoak: zehaztutako 325 metroko ibilbideari itzuli bakarra. 7 eta 13 urte bitartean: bi itzuli zehaztutako ibilbidera, 650 metro guztira.
  • 2. 14 urtetik gorakoentzako ibilbide luzea: lau itzuli egingo dira 1.250 metroko ibilbidean, Armintzako herrigunetik hondartza zeharkatu arte Armintzekalde kaletik, 5 kilometro guztira. Izen-ematea doakoa da eta egun berean egingo da, goizeko 11:00etatik aurrera, lasterketaren irteera eta helmuga postuan.

Udalak herritarrak animatu gura ditu jai-giroaz gozatzera eta bakarka, familian edo koadrillagaz parte hartzera. Mozorroa jantzita joan ahal izango da eta amaieran txokolatada egongo da.

Jendartea Lemoiz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun