Laburbira ekimena Armintzako kultur etxean egingo dute

Nahia Martinez Gondra 2025ko api. 2a, 13:53
Deskargatu Info Ahotsak :
Español English Français Català Galego

Irudienea euskaltzaleen topaguneak bultzatutako ekimen honen XXII. urtea da.

Lemoizek bat egingo du aurten ere Laburbira Euskarazko Film Laburren Zirkuituagaz, datorrenbarikuan, apirilak 4, Armintzako kultur etxean egingo den emanaldiagaz. Bariku honetan proiekziora bertaratzen direnek doan ikusi ahal izango dituzte ikus-entzunezko pieza guztiak. Saioa 19:00etan hasiko da.

Irudienea euskaltzaleen topaguneak bultzatutako ekimen honen XXII. urtea da, Tokikom-en, hiru foru aldundien eta EHUko Mikel Laboa katedraren laguntzagaz. Laburbiran euskaraz ekoitzitako 8 film labur aukeratu dira:

  • PROSOPAGNOSIA (Ekain Martinez)
  • PLAZER BAT (Sonia Estévez)
  • BETIKO GAUA (Eneko Sagardoy)
  • EUROPA (Ekain Irigoien)
  • PENTSATZEN DUT (Karmele Mitxelena)
  • HOR KONPON (Jone Arriola)
  • GOODBAY KEPLER (Nerea Ayala, Patricia Fañanás, David Modroño, Iraia Yarto)
  • UTLANDSK (Alba Lozano)

Laburbiraren helburua bikoitza da: alde batetik, zinemagileei beren lanak erakusteko aukera eman nahi die askotariko estiloen erakusketarekin, eta, bestetik, euskaraz sortutako film laburrak ezagutarazi nahi dizkie herritarrei. Proiekzio bira joan den martxoaren 6an hasi zen, Laburbiraren aurrestreinaldiagaz, Donostiako San Telmo Museoan, eta apirilaren 11ra arte iraungo du, Euskal Herri osoko 50 udalerri baino gehiago bisitatuz.Ekimenari buruzko informazio gehiago hemen.

Jendartea Lemoiz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun

Erantzuteko, izena emanda egon behar duzu eta horretarako baimenak eduki behar dituzu. Sartu komunitatera!