Urkiola Parke naturalera bidaiatuko dute domeka honetan Etzandarri Mendi Taldeko kideek

Nahia Martinez Gondra 2025eko maiatzaren 15a

Arrazolara autobusez joango dira kideak.

Domeka honetan, Euskaraldiagaz bat eginez eta Lemoizko Udalaren laguntzagaz, Urkiola Parke naturaletik zeharkaldi bat egingo dute Etzandarri Mendi Taldeko kideek. Zehazki, Bizkaiko Arrazolatik Arabako Oletara joango dira, Anbotopetik igaroz eta Andasto (822m) tontorra eginez. "Eguraldiaren aurreikuspena ona da beraz animatu eta etor zaitez Euskaraldiaren txapa jantzita. Mendian ere euskaraz!", aldarrikatu dute Etzandarriko ibiltariek.

Guztira 12 km izango dira eta 700 metroko desnibel positiboa duen zeharkaldi erreza da. Irteera honetarako, Arrazolara autobusez joango dira. Hala, izena ematea derrigorrezkoa da. Hurrengo emailera mezua bidali beharko da: etzandarri@gmail.com.

KATEGORIA: Mendizaletasuna.

ZAILTASUNA: Erreza.

DISTANTZIA: 12 kilometro.

NOIZ: Maiatzak 18.

NON: Armintzako bus geltokian.

ORDUA: 09:00etan Armintzan.

Izena emateko: 688 602 121 (Marian).

Jendartea Lemoiz

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!

Izan zaitez HIRUKAlagun