Udalak jakinarazi duenez, datozen egunetan hasiko dituzte Santiagoko arkua zaharberritzeko lanak, hiribildua babesten zuen harresi zaharraren zutikako azken aztarna. Esku-hartzearen helburua ondarea zaintzea, garbiketa- eta sendotze-lanen bidez. Iragarri dutenez, lanek irauten duten bitartean, arkupearen azpiko pasabidea itxita egongo da trafikoarentzako.
Santiagoko Arkua, Plentziako ondare arkitektonikoaren ikur bat da eta gure hiribildua duela mende batzuk inguratzen zuen zuen harresiaren aztarna bakarra da gaur-gaurkoz. Hala, horren egitura eta itxura kontserbatzeko zaharberritze-lanak egingo dituztela iragarri du Udalak.
Lanek irauten duten bitartean ibilgailuentzako trafikoa moztuta egongo da arkuaren azpiko pasabidean, langileen eta oinezkoen segurtasuna bermatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!