Domeka honetan, irailaren 21ean, Etzandarri mendi talde lemoiztarrak txangoa antolatu du Anboto mendilerrora, Atxurditik (740) eta Atxardetik (785) pasatuz. Zailtasuna erreza-ertaina izango da, igoera bertikala bidezidorretik egingo dutelako. Armintzako autobus geltokitik 09:30ean abiatuko dira taldeak antolatutako kotxeetan, eta arrastian izango da buelta, 17:00ak aldera.
Ibilaldi erreza izango da oporren ostean sasoian dauden ala ez konprobatzeko. Arrisku berezirik ez egon arren, antolatzaileek azaldu dute igoera nahiko bertikala dela, "irristatzen den harri solteko bidezidor batetik".
KATEGORIA: Mendizaletasuna.
ZAILTASUNA: Erreza-ertaina.
DISTANTZIA: 7 kilometro.
NOIZ: Irailak 21.
NON: Armintzako bus geltokian.
ORDUA: 09:30ean Armintzan.
Izena emateko: 688 602 121 (Marian).
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!