Andraka auzo lemoiztarrak oraindino ere parada du bere jaiak ospatzeko: urriaren 4an, zapatuan, San Frantzisko jaien hasiera handia izango da eta urriaren 13ra arte ez du etenik izango. Besteak beste, putxera lehiaketa, mus txapelketa, Etzandarri mendi taldeko irteera, disko festa eta txokolatada izango dute auzokideek festez gozatzeko.
Jai giroak Andraka beteko du zapatuan goiz-goizetik, izan ere, 11:00etan botako den txupinazoaren aurretik, putxera lehiaketa tradizionalaren izen-ematea irekiko da eta haur mailako padel txapelketa jokatuko da. Ondoren, hamaiketakoa Herriko Eskolako trikitilariakaz egingo dute, gero hainbat jarduerari lekua uzteko: meza santua, mus txapelketa, zaldi ibilaldiak, disko festa eta txokolatada.
Hurrengo aste-akabuan emango zaio amaiera 2025eko San Frantzisko jaiei, kinttopeko idi probakaz. Gainera, urriaren 12an, domekan, mendi martxa egingo dute Etzandarri mendi-taldeak antolatuta. Bertaratzen direnentzako hamaiketako bat egongo da ere.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
