Gailu hauek ahots eta ikus-argibideakaz gidatuta funtzionatzen dute, eta horrek aukera ematen du edozein pertsonak, nahiz eta osasun-formaziorik ez izan, larrialdi egoeretan erabili ahal izateko.
Ekimen hau osatzeko, Lemoizko Udalak herritar guztiei zuzendutako prestakuntza saio teoriko-praktiko bat antolatu du. Saioa datorren urriaren 9an izango da, 17:00etan, Armintzako kultur etxean, eta gutxi gorabehera hiru orduko iraupena izango du. Bertan, desfibriladoreen funtzionamendua azalduko da, lehen sorospenen oinarrizko kontzeptuak landuko dira eta simulazio praktikoak egingo dira parte-hartzaileek gailuaren erabileran trebatzeko.
Prestakuntza-saio honetan parte hartu ahal izateko, beharrezkoa izango da izena ematea Armintzako kultur etxean edo 946 879 037 telefono zenbakira deitzen, 16:30etik 20:00etara bitarteko ordutegian. Udalak azaldu duenez "eremu publikoetan horrelako gailuak izateak bizitza salbatzeko erabakigarriak izan daitezke".
