Horretarako, herritarren artean inkesta anonimo bat egingo dute urriaren 24ra arte. Bertan, biztanleek lanerako, ikasketetarako, erosketetarako edo aisialdirako egiten dituzten joan-etorri ohikoei eta garraiobideei buruzko lehentasunei buruz erantzun ahal izango dute.
Udalak azpimarratu du zeregin horretarako herritarren parte-hartzea "funtsezkoa" dela: "Zenbat eta herritar gehiagok parte hartu, orduan eta errealagoa izango da jasotako diagnostikoa eta, ondorioz, orduan eta egokiagoak izango dira etorkizuneko mugikortasun-neurriak".
Inkesta online bete daiteke karteletako QR kodea eskaneatuta edo esteka honen bidez, eta paperean ere aurkeztu daiteke udaletxean edo Armintzako kultur etxean.