Domeka honetan, urriak 26, Izki parke naturalera joango dira Etzandarri Mendi Taldeko kideak. Apellaiz-Arluzea zeharkaldia egingo dute San Kristobal (1.057m), Arburu (1.001m), San Justi (1.024m) eta Arluzeako Gurutzea (990m) tontorretatik igarota.
Diotenez, zeharkaldia erreza izango da eta Izki basoko ikuspegi paregabe bat eskainiko du. Irteera honek Lemoizko Udalaren laguntzagaz antolatu dute eta autobusa doakoa izango da.
Parte hartu gura dutenek, Armintzako bus geltokian egon beharko dute 08:30ean, eta aldez aurretik izena eman beharko dute, email bat bidalita hurrengo helbidera: etzandarri@gmail.com.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
