Ikastaroa inoiz dantzarik egin ez dutenentzat pentsatuta dago, eta adin zein maila guztietako pertsonek eman dezakete izena. Saioetan erritmoak ikasteaz gain, ariketa fisikoa egin, koordinazioa landu eta jende berria ezagutzeko aukera izango dute parte-hartzaileek, presiorik gabe eta modu dibertigarrian.
Izena emateko epea dagoeneko zabalik dago, Armintzako Kultur Etxean. Saioak igandero izango dira, 12:15ean, ordu eta erdiko iraupena izanik. Ikastaroa 2026ko urtarrilaren 11n hasiko da, eta egun horretan bertan ate irekien jardunaldia egingo dute, interesa duen edonork dantza probatu ahal izateko, konpromisorik gabe.