Geldialdi horrek eragin zuzena izango luke Armintza portuan aritzen diren arrantzaleengan, Lemoizko udalerrian. Izan ere, berdela funtsezko espeziea da flota artisauarentzat: urteko diru-sarreren %40 inguru hortik dator.
Sektoreak berak ere egoeraren larritasuna azpimarratu du. Bizkaiko eta Gipuzkoako kofradiek itxiera tekniko osoa eta presazkoa eskatu dute, espeziea berreskuratzeko plan serio bategaz batera. Arrantzaleen esanetan, neurriak gogorrak dira, baina beharrezkoak. Haien ustez, Bruselak dagoeneko zero kuota ezarri beharko luke berdelarentzat, laguntza ekonomikoekaz zein berreskuratze plan argi bategaz.