Antolatzaileek azaldu dutenez, 7,5 kilometroko ibilbidea da eta zailtasun maila "erreza" du; beraz, aproposa da maila guztietako zaleentzat. Izan ere, taldeak modalitate bitan bereizten ditu bere irteeretan: xendazaletasuna eta mendizaletasuna, eta domekakoa azken kategoria honetan sartzen da. Autobusa goizeko 09:00etan aterako da Armintzako geltokitik, eta itzulera arrastiko 16:00etarako aurreikusi dute.
Umeek zein nagusiek parte hartu dezakete ekimenean, baina aldez aurretik izena ematea ezinbestekoa da Marianegaz harremanetan jarriz, 688 602 121 telefono-zenbakian.