Aparkaleku arautua honako epe eta ordutegietan egongo da indarrean:
Ekainaren 1etik 30era eta irailaren 1etik 30era
- Lanegunetan: 17:00etatik 20:00etara
- Asteburu eta jaiegunetan: 13:00etatik 20:00etara
Uztailaren 1etik abuztuaren 31ra
- Egunero: 13:00etatik 20:00etara
Aipatutako epe horietan, berdeguneetan baimen-txartela ikusteko moduan jarrita duten ibilgailuek soilik aparkatu ahal izango dute eta araudia ez betetzeak zigorra ekar dezake.
Udalak jakitera eman duen moduan aparkatzeko txartela honako kasu hauetan eskatu edo berritu ahal izango da:
- Lemoizen erroldatutako ibilgailuak
- Lemoizen erroldatuta egon arren, autoa ibilgailuen erroldan alta emanda ez duten pertsonak
- Udalerrian erroldatuta egon ez arren, Lemoizen etxebizitza duten pertsonak (jabeak edo maizterrak)
- Renting edo leasing kontratuko ibilgailua duten pertsonak, baldin eta Lemoizen erroldatuta badaude.
- Enpresako ibilgailuak, gidaria Lemoizen erroldatuta badago
- Armintzan lan egiten duten pertsonak edo bertako enpresen jabeak
Kasu bakoitzean, aparkatzeko txartela lortzeko, dagokion dokumentazioa Udalean aurkeztu beharko da. Hala ere, azkenengo kasuan daudenak izan ezik, iazko txartela dutenek txartel bera erabili ahal izango dute, eta Lemoizko erroldan altan emandako ibilgailu berriak etxean jasoko dute txartela.
Ibilgailuaren baimena kontsultatu
Herritarrek beren ibilgailua baimenduta dagoen egiaztatu dezakete webgune honetan: