Mendi ibilaldiak 15 kilometroko luzera izango du eta, orokorrean zailtasun errazekoa gisa sailkatu badute ere, mendiko txangoa dela eta aldapa gogorrak zein lapiaz eremuak zeharkatuko dituztela adierazi dute. Ibilbidea Brinkolan hasiko da, 475 metroko garaieran, eta Biozkorna mendilepora igoko dira lehendabizi, 1.180 metrora. Handik, gura duenak Artzainburu mendira (1.365 metro) igotzeko aukera izango du hautatutako bidean. Ondoren, Urbia aldera jaitsiko dira taldekideak bertan bazkaltzeko, eta eguna borobiltzeko Arantzazuko santutegira jaitsiko dira, arratsaldeko 19:30ak edo 20:00ak aldera berriz ere Armintzan bueltan izateko.
Doako autobusera igotzeko eta txangoan parte hartzeko ezinbestekoa da aurretik izena ematea etzandarri@gmail.com helbide elektronikora mezu bat idatziz. Plazak mugatuak direnez, antolatzaileek mezua lehenbailehen zabaltzeko eta izen-ematea azken herrenean ez uzteko eskatu diete Lemoizko eta inguruko mendizale guztiei, naturaz eta giro bikainaz gozatzeko aukera paregabea izango baita asteburu honetan.