Finalen jardunaldian Bizkaia Cup kadete-gazte mailako finala izango da ikusgai, eta, horrez gain, paleta larruz banakako txapelketako 1., 2. eta 3. mailetako finalak ere jokatuko dituzte. lehenik Sopelako Kureneko pilotariak neurtuko dira kadete-gazte mailan; horien ostean, Zubeldia etaBergara arituko dira 3. mailako finalean; E. Garcia eta Zabalak jokatuko dute 2. mailako finala, eta, azkenik, David Ruiz eta Roman Maldonadok jokatuko dute1. mailako finala.
Antolatzaileen esanetan, Armintzako pilotalekuan paleta larruzko "final handien agertoki” bilakatuko da bihar arrastian, eta zaleak nahiz jakin-mina duten herritarrak pilotalekura gerturatzeko deia egin dute, Bizkaiko kluben arteko hitzordu nagusietako bat bertatik bertara gozatzeko. Finalak 18:30ean hasiko dira Armintzako Udal Pilotalekuan, eta sarrera libre izango da.