Argazkiek Lemoizegaz eta bertako herritarrekaz zerikusia izan behar dute, eta egungo zein antzinako irudiak izan daitezke. Irudiek horizontalak izan behar dute, eta argazki digitalen kasuan, gutxienez 300 x 300 pixeleko bereizmena izan beharko dute, JPEG formatuan gordeta egon beharko dute, eta 3 MB eta 12 MB arteko pisua izan beharko dute. Paperezko argazkiak ere aurkeztu daitezke.
Parte hartzaile bakoitzak gehienez 3 argazki aurkeztu ditzake, eta bakoitza egilearen izen-abizenekaz, irudiaren izenburuagaz eta hartu zen urteagaz aurkeztu behar dira. Argazkiak aurrez aurre Armintzako Kultur Etxean entregatu daitezke, urriaren 1etik 19ra, 16:30etik 20:00etara, edo lemoiz.lehiaketa@gmail.com helbidera bidali daitezke.
Egutegia osatuko duten 12 argazkiak aukeratzeko, argazkigintzako profesional batek, Kultur Etxeko kultur dinamizatzaileak eta Udaleko bi ordezkarik osatutako epaimahaia eratuko da. Epaimahaiak kalitatea, originaltasuna eta lehiaketaren oinarrien egokitasuna baloratuko ditu, eta aukeraketa urriaren 30ean egingo da.
12 irudiak aukeratu ondoren, erakusketa bat antolatuko da Kultur Etxean, eta, bertan, herri bozketa bat irekiko da hiru argazki irabazleak aukeratzeko. Argazki horiek tokiko produktuen saski banagaz sarituko dira. Azaroaren 2tik 9ra bitartean bozkatu ahalko da, aukeratutako argazkiaren izena hautetsontzi batean utziz edo sare sozialetan eta Whatsapp eta Telegram kanaletan zabalduko den formularioaren bidez.