Antolatzaileek azaldu dutenez, zeharkaldia Zuhatzu Kuartangotik abiatuko da, eta Oteros (1.036 m) Lorritxo (1.024 m) eta Pititurri (1.016 m) gailurretatik pasatu ostean, Askegi etxe inguruan bazkalduko dute. Ondoren, Goros kobazuloa bisitatuko dute, eta amaitzeko Otogoien herrira joango dira. Guztira 16 km eta 600 metroko desnibela baina inongo zailtasunik ez duen ibilbidea dela adierazi dute mendi taldeko kideek.
Horrez gainera, antolatzaileek jarduera 7 urtetik gorako umeentzat egokia dela esan dute, eta irteera osoan euskara hutsean arituko direla gogorarazi dute. Parte hartu gura dutenei jatekoa eta arropa egokia eramatea eskatu diete ere.