Eguerdiko 14:00etarako, kalejiran ibilitako lagun guztiak eta putxeren parte-hartzaileak batuko dira berriro Eleiz plazan, eta 14:30ean putxeren sariak banatuko dituzte. Jarraian, 15:00etan, herri-bazkaria egingo dute bertaratutakoen tripak behar bezala asetzeko; txartelak Uriola Kala eta Mika tabernetan eskura daitezke, 17 euroan. Bazkaldu ostean, bertso-saioagaz gozatu ahal izango dute, eta ondoren, gerrikoak astinduko dituzte erromeriagaz.
Putxerarik onena bilatuko dute bihar Plentzian
Apirilaren 25ean, zapatuagaz, Putxera eta Euskal Jai Eguna egingo dute Plentzian. Egun osoko egitaraua prestatu dute auzotarren gozamenerako. Goizeko 10:30ean emango diote hasiera ekimenari, putxeretan izena emateagaz batera. Ordu erdi beranduago Eleiz plazan batuko dira, eta 12:00etan kalejira abiatuko dute triki-poteoan eta Plentziako Kantaguneagaz; alde zaharrean eta portuan ibiliko dira inguruko jendea alaitzen. Putxera lehiaketaren parte-hartzaileak, bitartean, jaki goxo-goxoak prestatzen ibiliko dira, ondoren, 13:30ean lapikoak aurkeztu ahal izateko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun