Espainolez baino ez, Plentziako ipuin sarietan

Lanak gaztelaniaz bakarrik aurkez daitezkeen arren, euskaraz zabaldutako oinarrietan Lanbro Beltza izena jarri dio Plentziako Udalak, Calibre 38 aldizkari digitalarekin batera antolatutako ipuin lehiaketari. Aipatutako argitalpeneko iturriek aipatu dutenez, datorren urterako “euskarazko beste sariketa bat edo bakarra ele bietan” egin gura dute. Aurten, ostera, ezin izango da euskarazko lanik aurkeztu. Hala, lehiaketan parte hartu gura duten adin nagusikoek maiatzaren 31ra arte edukiko dute 1.000 eta 3.000 berba arteko ipuinak aurkezteko aukera. 

Epea aipatutako egunean itxiko dute, “23:59an itxi ere”, oinarrietan irakur daitekeenez. Ipuinaren generoa beltza, intrigazkoa eta poliziakoa izango da. Itsasoak izan beharko du kontakizunaren ezinbesteko osagaia. Lehiaketaren irabazlearen izenari dagokionez, hirugarren urtez Plentzian egingo dituzte Lanbro Beltza izeneko topaketen amaiera-ekitaldian jakinaraziko dute. Epaileek bost ipuin hautatuko dituzte, Calibre 38 aldizkariaren webgunean argitaratzeko. Irabazleak 300 euroko saria jasoko du.

info+: revistacalibre38.wordpress.com

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun