Plentzia Telebistak (PTB) bere "zerbitzua hobetu eta ahal bezain beste etxeetako telebistara" heltzeko asmoz, "pausu bat aurrera eman" gura du. PTBko kideek azaldu dutenez, uda osoan barne lanetan jardungo dute, "inurrien lana egiten", telebistarako bazkide berriak erreklutatzen. Izan ere, gogoratu dutenez, irabazteko-asmorik bako elkarteak aldaketa horiek gauzatzeko "denon laguntza beharko" du. Gaur eta bihar Gatzamineko jaietan izango da PTB, argibideak eman eta interesatuei bazkide izateko aukera eskaintzeko.
PTBko partaideek azaldu dutenez bi dira telebista laguntzeko era nagusiak: "Alde batetik, gugaz kolaboratzeko prest dagoen jendea eta beste aldetik, diru laguntza ekonomikoa". Azken ildo horretan, urtean ordaindu beharreko gutxieneko kuota 30 eurokoa izango da. Gauzak horrela, udan gauza gutxi grabatzeko aukera izango dute PTBko kazetariek, baina auzokideei ohartarazi diete ez larritzeko, "uda ostean indarberrituta bueltatuko" baitira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
