Ordu berean hasiko dira epaileak dastatzen ekoizleek aurkeztutako produktuak, finalera heltzen diren gaztak hautatzeko asmoz. 12:30ak arte luzatuko da epaileen eginbeharra, eta ordu erdi beranduago emango dituzte irabazleen izenak. Gaztarik onenaren egileak 300 euro jasoko ditu; bigarrenak, 150 euro; eta azkenik, hirugarrenak, 50 euro. Diru-sariaz gainera, garaikurra ere izango dute lehenengo hirurek.
Idiazabal jatorrizko gaztaren Plentziako lehiaketak 26 urte beteko ditu domekan
Plentziako Udalak eta Idiazabal jatorrizko deitura erregulatzeko kontseiluak antolatuta, domekan, abuztuaren 16an, gazta-lehiaketaren 26. edizioa egingo dute, itsas hiribilduko Eliza enparantzan. Hala, 10:00etatik 10:30era bitartean, euren gaztak aurkeztu ahal izango dituzte ekoizleek; Idiazabal jatorrizko deiturari atxikitakoek baino ezin izango dute parte hartu. Gero, 11:00etan, gazta saltzeko ipini dituzten 16 postuak zabalduko dituzte. Txakolinaz gozatzeko aukera ere egongo da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun