“Sinesgarritasun falta”
Gaur egun, Plentzian ez dago Gobernu Batzorderik. 5.000 biztanle baino gutxiago izanda, eta Toki Araubidearen Oinarriei buruzko Legeari jarraiki, Osoko Bilkurak erabaki behar du organo hori eratu gura duen ala ez, eta pasa den uztailaren 2an Udalbatzak aurka bozkatu zuen.
Elixabete Uribarri bozeramaile jeltzalearen berbetan, David Crestelo alkateak orain dela egun batzuk egin dien “proposamenari sinesgarritasuna falta zaio”. Uribarrik gogorarazi duenez, alkateak berak esan izan du ez dagoela Gobernu Batzordea osatzearen alde, “erakunde itxi eta ez gardena izan daitekeelako”.