Interneterako aireko sarbideak hondartzan, portuan eta Astillero plazan jartzea aurreikusi zuten. Joan-etorri handiko lekuak direla ohartarazi du Udalak; horregatik, "eremu elektromagnetikoetatik babesteko", Udalak Arreta eta ALARA Printzipioak ezarriko ditu, "biztanleria eremu elektromagnetiko artifizialetatik babesteko asmoz, tartean, wifia". Hala, Aldundiaren 3.000 euro horiei uko egin die Udalak.
Kalean wifi-eremua ipintzeko Bizkaiko Foru Aldundiak ematen duen 3.000 euroko diru-laguntzari uko egin dio Plentziako Udalak. Osasunaren Mundu Erakundeak, Europar Batzordeak eta Eusko Jaurlaritzak egindako hainbat ikerketa ekarri ditu gogora Udalak hori arrazoitzeko. Horien arabera, biztanleria orokorrean eremu elektromagnetikoetatik babestu beharra dago, eta WiFi sistematik ere bai. Adibidetzat, OMEk egindako ikerketa azaldu dute udal agintariek; ikerketa horren arabera, eremu elektromagnetikoak "minbizi-sortzaileak" izan daitezke gizakientzat (2B taldea).
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun