Finalean ez zen faboritoetako bat ere egon eta ezusteko nagusia eman zuen egungo olatu handien txapeldunak, Mukuakai Rothman hawaitarrak, finalerdietan kale egitean. Kontuak hala, Kerr australiarraren atzean geratu ziren Greg Long estatubatuarra eta Carlos Burle brasildarra.
Natxo Gonzalez ondo ibili da urteko lehen olatu handian
Josh Kerr surflari australiarrak irabazi zuen atzo Mexikon jokatutako Todos Santos-eko olatu handien txapelketan, Big Wave Tourraren urteko lehen proba. Kerr nagusitu zen Kalifornia Beherea Estatuko hondartzan, 10 eta 12 metro bitarteko olatuetan, nahiz eta baten bat 14ra heldu zen. Natxo Gonzalez surflari plentziarra lehenengo kanporaketan geratu zen kanpoan, bere taldeko laugarrena izateagatik, puntuengatik izatekotan sailkatuko bazen ere. Plentziarrak oso teknika ona erakutsi zuen, eta azken minutura arte izan zen finalerdietara pasatzekoa.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun