Plentziako Udalak zabaldu duenez, zozkatuko dituen sarrerak Urdulizko Udalak bidali dituen gonbidapenak dira. Udal Gobernuak ondoko Udalari eskertu dizkio 30na euro balio duten txartelak, baina uko egin dio horiek politikariek erabiltzeari: "aurrekoan ateratako ohar baten bidez adierazi genuen moduan ez dugu gonbidapenik ezta oparirik onartzen. Horregatik, bi sarrera hauek plentziarren artean zozketatuko ditugu".
Urdulizko pilota-partidetarako sarrera bi zozkatuko ditu Plentziako Udalak
Plentziako Udal Gobernuak zozketara atera ditu Urrutikoetxea-Olaizola II eta Irribarria-Merinoren arteko pilota-partidarako sarrerak. Lehia bihar izango da Urdulizko Iparralde kiroldegian, 22:00etatik aurrera. EPELen Eskuz Binakako Txapelketaren demaren aurretik, Gorka-Tolosa eta Elordi-Irusta bikoteek jardungo dute. Sarrerak eskuratu gura dituztenek posta elektroniko bat bidali beharko dute, gaur bertan, honako helbidera: udala@plentzia.eus. Mezuaren testuan, izen-deiturak, helbidea eta harremanetarako telefono zenbakia idatzi behar da. Goiburuan, ordea, "Sarrerak" ipintzea eskatu dute.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun