Plentziako Udalak airetik ateratako 302 argazki erosi dizkio aireko eta lurreko argazkiak egiten dituen Bilboko enpresa bati. Hala, hemendik aurrera lanok Udalaren argazki-ondarearen parte izango dira.
Argazki horietan argi ikusi daiteke hiribilduak ia bost hamarkadatan izan duen bilakaera, "nola konkistatu dituen eremu naturalak (itsasadarra, haren ertzak eta padura) eta nolakoa izan den hirigintzako garapena", azaldu dute udal iturriek.
Udaleko hainbat sailek erabiliko dituzte argazki horiek, berbarako, Bulego Teknikoak, hirigintzagaz lotutako auziak konpontzeko. Horrez gain, kultur argitalpenetarako baliatuko dira eta hiritarren esku ere jarriko dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!