Hala, Helvetia izango da Arkoteren ontziek eroango duten babesle bakarra. Enpresaren logoa klubaren gainazal denetan izango da ikusgai: traineru bietan, lau trainerutxoetan, zortzi bateletan, aulki finkoko ontzietan, eta Arkoteko kideek garraiorako erabiltzen dituzten furgonetetan eta atoietan. Helvetiak nabarmendu du babes hori berritzeak duen garrantzia "oinarri-kirola sustatzeko". Enpresaren erantzukizun korporatiboaren estrategian kokatu dute ekimena. Arkote 1957an sortu zen; aurretik, Plentzia Arraun Elkartea zegoen. Azken 59 urteotan, garrantzi handia izan du arraun-estropadetan; gaur egun, 400 bazkide dauzka, eta KAE ligan dabil. Besteak beste, irabazi ditu Bizkaiko Traineruen Txapelketa (birritan), Plentziako Itsasadarraren Jaitsiera edo Ibaizabalgo Sari nagusia.
Helvetia, Arkoteren traineruakaz
Helvetia aseguru-etxeak laugarren urtez segidan sinatu du hitzarmena Plentziako Arkote arraun-taldeagaz. Horri esker, plentziarrek arrauna sustatzen segitu ahal izango dute beste urte batez. Aseguru-enpresaren arabera, Helvetiak "herri-sustraiak dituzten kirol-diziplinak bultzatzearen alde egin du" hitzarmena berrestean. Konpainiak azpimarratu du Arkote dela "traineruen estropadetan erreferentea", eta "Bizkaiko lurraldean kirol horretako aparteko kluba" ere badela.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun