Erakusleiho eta pintxo-lehiaketaren harira, parte hartu gura dutenek urriaren 4ra arte izena eman dezakete, turismo bulegoan edo Goñi Portalen. Erakusleihoak, gutxienez, urriaren 5etik 9ra arte ikusgai egongo dira. Pintxo-lehiaketan, ostera, udalerriko edozein dastalekuk edo ostalaritza-leku parte har dezake. Lehiaketa urriaren 7an, barikuan, izango da. Lehiaketa bietako irabazleek garaikur bana eta 100 euro jasoko dituzte.
Plentzia hiribilduaren urteurrena ospatzeko helburuagaz, Udalak hiru lehiaketa antolatu ditu: argazki-, erakusleiho- eta pintxo-txapelketa. Lehenengoari dagokionez, 2017ko egutegia osatuko duten argazkiak aukeratuko dituzte ekimen horren bitartez. Horretarako, edozeinek parte har dezake, adinez nagusia bada. Gaia hiribilduaren ondare arkitektonikoa, historikoa eta kulturala izango da; lehiakide bakoitzak gehienez 3 lan aurkeztu ahal izango ditu, urriaren 3ra arte. Aurkeztutako guztien artean, epaimahaiak argazki irabazlea aukeratuko du, eta horrek 150 euroko saria jasoko du; horren albotik, beste 12 irudi aukeratuko dituzte, 2017ko egutegia osatzeko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun