"Emaitzak bikainak izan dira, bai ekonomikoki eta bai energiari dagokionez", baloratu dute udal-agintariek. Datozen hilabeteetarako, gainera, lan-plangintza bat prestatu du Udalak. Horren bidez, ekintza hauek egingo dituzte: seguruak diren energia-iturri berriztagarrien bitartez energia elektrikoa hornitzeko lizitazio publikoa, eta argiteria publikoa berritzea argiztapen teknologia eraginkorragoak ezarriz. Horretarako, 95 argi-puntu aldatuko dira, "aurrezki ekonomiko handia (urtean 15.359,09 eurotik 4.609,14 euro gastatzera igaroz) eta hobekuntza tekniko eta energetikoak" eragingo dituena. Horiek denak eta argindarraren faktura bat zertan datzan azaltzeko berbaldiak egingo ditu Udalak, "herritarrek jakin dezaten zer egin aurrezteko".
Urtean ia 56.000 euro aurreztu ditu argindar-fakturan Plentziako Udalak
Plentziako Udala elektrizitate-kontsumoari jarraipena egiten dabil, eraikin publikoetan eta kaleko argiterian erabiltzen den argindarraren gastua kontrolatzeko. Horri esker, "ia inbertsiorik egin gabe" gainera, urtean 55.971,33 euro aurreztea lortu du, argindar-fakturaren %25, hain zuzen ere.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun