Eguraldiagatik atzeratu egin dute Mikrofilm jaialdia

Mikrofilm Short Festivala egin ohi dute Plentzian. © MIKROFILM SHORT FESTIVAL

Gaur hasi behar zuen Mikrofilm Short Festival jaialdia, Plentzian. Hala ere, eguraldiagatik, egun batez atzeratu egin behar izan dute: uztailaren 1ean eta 2an egingo dute genero beltzeko film laburren jaialdia.

2011ko uztailaren 7an auto-istripuan zendutako Alex Arana Etxebarria zinemazale plentziarra omentzeko abiatu zuten Mikrofilm Short Festival genero beltzeko film laburren jaialdia, hura hil eta urtebetera. Hala, elizaren aurrealdea zine bihurtuko da seigarren aldiz.

Mikrofilm jaialdiak film laburren lehiaketa dauka ardatz. Aurtengo epaimahaiak aukeratutako film laburrak egongo dira ikusgai. Horrez gainera, berbaldiak, kontzertuak, argi-ilunen ikuskizuna, poker-partidak eta beste hainbat jarduera egongo dira.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun