Eremu berrian jarritako lau elementuak ondokoak dira: besoetarako bizikleta bikoitza duen bankua, pedalak dituen banku bikoitza, sorbaldarako gurpila eta sorbaldarako eta atzamarretarako eskailera.
Bereziki diseinatuta daude gorputzeko artikulazio gehienen zabalera, hanken indarra, oreka eta martxa mantendu eta hobetzeko. Baliagarriak dira entretenimendurako, baina, horrez gain, aire librean daudenez, pertsonen ongizate fisikoa, psikikoa eta soziala hobetzen dute.
Aparatu horiek errehabilitazio-mediku eta fisioterapeuta baten laguntzaz garatu dira eta betetzen dute EN16630:2015 Araua, zeinak aire librean instalatutako entrenamendu fisikorako ekipo finkoen entsegu-metodoak eta segurtasun-baldintzak ezartzen baititu.
Dentsitate handiko polietilenoz fabrikatuta daude, graffitien aurkako tratamendua dute eta ez dute mantenurik behar. Altzairu herdoilezinezko eta polietilenozko mekanismoak ditu. Zati metalikoak kalitate handiko altzairuz egindakoak dira.