Kultura  Plentzia 2018-02-09 13:03

Otsailaren 28ra arte eska daiteke Plentziako toponimia-beka

Plentziako Udalak Plentziako toponimiaren agiriak berreskuratzeko eta inbentariatzeko beka-deialdia egin du. Interesdunek eskaerak eta dokumentazioa aurkez ditzakete datorren otsailaren 28ra arte, udal-erregistroan.

Otsailaren 28ra arte eska daiteke Plentziako toponimia-beka
Eskaerak Plentziako udal-erregistroan aurkez daitezke. | Ikusi handiago | Argazki originala

Bekaren helburua da idatzizko iturriak aztertzea bertan ageri den udalerriko toponimia jaso, sailkatu eta kokatzeko. Aurreikusitako iturriak dira agiriak, mapak, bibliografia eta bestelakoak. Ikerlariak edo ikerlari-taldeak 13.000 euroko udal-laguntza jasoko du, eta hiru epetan kobratuko da.

Ikerketa gauzatzeko epea zortzi hilabetekoa izango da. Baldintzen artean dago lanerako Euskaltzaindiak inplementatutako datu-basea erabili behar izatea. Modu berean, Euskara zinegotziak ikuskatuko du ikerketa.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa