Fikziozko film baten 35 mm-ko 9 film-lata berreskuratu dira, plentziar baten eskuzabaltasunari esker. Udalak jakinarazi duenez, ziurrenik 20ko hamarkadakoak dira, eta une honetan Euskal Filmategian daude. Oraindino ez dute film horri buruzko inolako daturik, eta laguntza eskatu dute informazio gehiago eskuratzeko.
Plentziako Udalak adierazi duenez, ez daukate filmari buruzko daturik, ez dakite zein den bere izenburua edo zuzendaria, ez eta zeintzuk diren aktoreak ezta zein den filmaren argumentua ere.
Bakarrik dakite zintak 45 minutu inguruko iraupena duela, nahiz eta itxuraz ez dagoen osorik, eta hiribilduaren inguruko hainbat tokitan grabatutako irudiak dauzkala, besteak beste, Butroeko gazteluan, Billano inguruan eta hango itsas-labarretan.
Hori dela eta, laguntza eskatu dute filmari buruzko datu gehiago eskuratzeko eta zein film den jakiteko. Interesatuek udala@plentzia.eus helbidera idatz dezakete hitzordu bat adostu eta filma ikusteko.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun