Ohi den legez, udaberria ate joka dagoela, Putxera Eguna egingo dute Plentzian. Aurten, horretarako data hilaren 17a aukeratu dute, zapatuagaz. Goiz osoko egitaraua prestatu dute auzotarren gozamenerako. 10:30ean emango diote hasiera ekimenari, putxeretan izena emateagaz batera.
Handik ordu bi eta erdira, 13:00etan, kalejira abiatuko dute triki-poteoan. Putxera lehiaketaren parte-hartzaileak, bitartean, jatekoa prestatzen ibiliko dira, 13:00 eta 14:00ak bitartean lapikoak aurkeztu ahal izateko.
Eguerdiko 14:30ean putxeren sariak banatuko dituzte.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!