Kultura  Plentzia 2018-03-20 17:04

Ahoztar Zelaietak berbaldia emango du gaur Plentzian

Gaur, martitzena, "Euzkadi SA. El gen corrupto del PNV" bere azken liburua aurkeztuko du Ahoztar Zelaieta kazetariak, Plentzian. Kandelaria elkarteak antolatutako berbaldia 19:00etan izango da, Goñi Portalean; sarrera, doan.

Ahoztar Zelaietak berbaldia emango du gaur Plentzian
Ikerkuntza-kazetaria, artxiboko irudian. HODEI TORRES - HIRUKA | Ikusi handiago | Argazki originala

Ahoztar Zelaieta kazetari santutxuarrak eskarmentu handia dauka ikerkuntza-kazetaritzan. Tas-tas irratian hazi ostean, "Egin" egunkariko ikerketa-taldean ibilbide oparoa egin zuen. Baltasar Garzón epaile espainiarrak komunikabide hori itxi ostean, "Ardi Beltza" eta "Kale Gorria" aldizkarietan jardun zuen. Azken hori 2004an itxi ostean hainbat urte eman zuen kazetaritzatik kanpo. Kriminologia ikasi zuen eta Euskal Herriko lehen kriminologo-elkarteko sorreran parte hartu zuen.

Orain dela bost urte, "Jóvenes Burukides Bizkainos: Clientelismo y fontanería" ikerkuntza-liburu monografikoagaz bueltatu zen, Txalaparta argitaletxearen eskutik. Arrakastaren ondorioz, urtero beste monografiko bat argitaratu du, Algortako Hincapié elkarteagaz: "La Casta Vasca", "Kutxabank: El saqueo de Euskal Herria" eta "Evasores, morosos y millonarios vascos. Panamá connections". Joan den Durangoko Azokan aurkeztu zuen bosgarren liburua, EAEko "ustelkeria-kartografia" bat, egilearen berbetan. Alderdiko kide batek egindako konfidentzietan oinarrituta, Zelaietak marraztu egin du EAJk euskal ekonomiaren sektore estrategikoetan eta "diru-laguntza publikoak irensten duten enpresetan" dauzkan pertsona nagusien mapa. Zelaietaren arabera, "%4 eta %20 arteko" etekinak ematen ditu "nazio-sareak".

Ekimenaren kartela

2018/03/20 19:00

Goñi Portal kultur etxea | Plentzia

Ekitaldi gehiago »»

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa