Ipuin irakurterraza da eta horretan udalerriari lotutako hainbat pertsonai agertzen dira: Juanita "Errekadista", Boni "Patateroa", Madalentxu eta Antolintxu, besteak beste. Gainera, Plentziako hainbat txoko esanguratsuren irudiak ere ageri dira. Liburuak dohain banatuko dituzte haurren artean.
Liburuaren Nazioarteko Eguna ospatzen da mundu osoan hilaren 23an. Data hori aprobetxatuz, eta trena Plentziara lehenengo aldiz iritsi zen eguna gogoratzeko antolatutako ospakizunakaz jarraituz, Udalak "Lehen trena Plentziara" izeneko haur-liburua argitaratu du.
Apirilaren 21ean, zapatuan, aurkeztuko dute ipuina Goñi Portal kultur etxean, 11:30ean. Antonio de Benito idazleak sortu du lana, haur-literaturan aski ezaguna dena. Udalak azaldu duenez, aurkezpenera hurbiltzen diren haur denek kopia bana jasoko dute. "Gure asmo nagusia da irakurzaletasuna bultzatzea haurren artean eta, horretarako, hilaren 23tik aurrera ipuin hori dohainik banatuko da Plentziako eskolan eta herriko saltegietan".
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
