Ekonomia  Plentzia 2018-04-13 14:20

Aurten ere, bost lanpostu eskainiko ditu Plentziako Udalak udarako

Udaberriaren etorreragaz batera, udara begira egongo da bat baino gehiago. Hori dela eta, aurton ere, Plentziako Udalak udako lau hilabeteetarako Arpillao aparkalekurako 3 zaintzaile, eta hondartzako komunen kudeaketaz eta garbiketaz arduratzeko 2 lanpostu sortzeko oinarriak onartu ditu. Horretarako izen-ematea apirilaren 16an amaituko da, 14:00an.

Aurten ere, bost lanpostu eskainiko ditu Plentziako Udalak udarako
Arpillao aparkalekuaz eta hondartzako komunen kudeaketaz eta garbiketaz arduratzeko jendea beharko dute. | Ikusi handiago | Argazki originala

Kontratuak lau hilabetekoak izango dira, maiatzaren 31tik irailaren 30era arte. Lanaldiak zerbitzuak dituen premien arabera ezarriko dira, txandakako ordutegian, astelehenetik domekara: aparkalekua 09:00etatik 17:00etara eta 17:00etatik 01:00etara; eta komunak, 09:30etik 15:00etara eta 15:00etatik 20:30era.

Oinarriak eta eskaera orria udaletxean eta Lan Eskaintza Publikoa webgunean eskuragarri daude.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa