Udalerriko auzokideek Super 8 mm formatuan edo beste formatu batzuetan (Doble 8, 9,5 mm edo 16 mm) gordeta dauzkaten filmografia berreskuratzeko kanpaina abiatu du berriro Plentziako Udalak. Helburua da irudi horietan jasotako memoria berreskuratzea, jabetza familiena dela kontutan hartuta.
Udalak adierazi duenez, material horrek "kalkulatu ezinezko" balioa du, inguruko herrietako bizitzako eszenak jasotzen dituelako. Udalaren asmoa da irudiak baliagarri izan daitezela hainbat esparrutako ikerketa garatzeko, hala nola, etnografia, genero-azterketak eta antropologia. "Ikerketa bezain garrantzitsua da lagatako materiala kontserbatzea, horrelako pelikulak narriatu egiten direlako denboraren joanarekin eta obsoleszentzia teknologikoaren mende daudelako", iragarri dute arduradunek. Hala, film zinematografikoak digitalizatuko dituzte, etxean berriro ikusi ahal izateko.
Interesatuek 946 773 210 telefonora deitu edo udala@plentzia.eus helbidera idatzi dezakete.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
