Eloy Albarraran kioskoaren inguruko parterrea eraisteko eta iragazgaizteko lanak egin dituzte azken asteotan Plentziako Ontziola plazan. Lanok 11.090,74 euroko kostua izan dute (BEZ barne) eta Excavaciones Butron SA enpresak egin du.
Metro bateko sakonerako indusketa egin da kioskoa inguratzen zuen lorategian, eta zintarria eta perimetroko forja-itxitura erretiratu dira. Hainbat geruza isolatzaile ezarri dira (asfaltozko geruza eta ehun geotestila), eta hodiak kokatu dira urak komunetako hustubideetara bideratzeko. Azkenik, eremu guztia estali da (30 metro koadro inguru) akabera inprimatuagaz.
Gainera, komunetako sarreran Herreria Basterretxea Y Torrontegi SL enpresak ipini duen baranda berriak 1.943,26 euroko kostua izan du.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
