Goizeko 11:00etatik eguerdiko 13:00etara eta arrastiko 16:30etik 20:00etara zabalik egongo da erakusketa, ikus-entzunezko euskarrian Bizkaian autobusak izandako bilakabidea azaltzen duena. Gainera, irailaren 13an gaiaren gaineko berbaldia eskainiko du, 19:00etatik aurrera, Miguel Martín Zurimendik, "De la diligencia al Bizkaibus" liburuaren egileak.
Ogibidez medikua da Martín Zurimendi; garraioaren historia ikertzea da haren zaletasun handia, eta hura da erakusketaren sortzailea. Plentzia Classic elkartearen eskutik ailegatu da bertora.