Ohitura handiko jarduerak izango dira hiribilduko festetan; berbarako, zezensuzkoa egunero aterako dute Ontziola plazara, neska-mutilen gozamenerako; Erromeria Zuria eguaztenean egingo dute, zahagi-dantza eta Itxas Eder dantza-taldearen erakustaldia legez; pala motzeko txapelketa eguaztenean hasi eta zapatuan amaituko da; playback-lehiaketak eguen eta barikuan izango dira; marmitakoen txapelketaz barikuan gozatu ahal izango da; Nekazaritza eta Abeltzaintza Azoka eta Euskal Jantzien Lehiaketa ere antolatuko dituzte, aurton, zapatuan; eta Plentzia Kantari domekan izango da.
Koktel-txapelketa
Plentzian ospe handia dauka tabernen jaietako koktel-sorkuntzak. Aurten ere, dastatu ahal izango dira edarien nahasketa gozoenak sanantolinetan. Irailaren 2an izango da hitzordua, domekan, 14:00etatik aurrera. Aurretik ere, madalenetan egin zuten lehiaketa, uztailaren 22an.
Egitaraua, osorik
Abuztuak 29, eguaztena
- 14:00 Gazte-bazkaria, Ontziola plazan.
- 17:30 Txistulariek harrera egingo diete Madalentxuri eta Antolintxuri, Ontziola plazan.
- 18:00 Txupinazoa.
- 18:00 Dultzaineroen igoera, Andra Mariraino, eta, bertan, aurreskua eta zahagi-dantza.
- 18:30 XXIII. Pala Motzeko Txapelketaren 1. finalaurrekoa, Jai Alai pilotalekuan.
- 20:00 Dantza-saioa, Itxas Eder taldearena, Ontziola plazan.
- 22:00 Zezensuzkoa, Ontziola plazan.
- 23:00 Erromeria Zuria, Ontziola plazan.
Abuztuak 30, eguena
- 10:00 Diana.
- 11:00 Puzgarriak, Ontziola plazan, 14:30ak arte.
- 18:00 Herri-kirolak, Ontziola plazan.
- 18:30 XXIII. Pala Motzeko Txapelketaren 2. finalaurrekoa, Jai Alai pilotalekuan.
- 21:30 Zezensuzkoa, Ontziola plazan.
- 22:15 Helduen playback-txapelketa, Ontziola plazan.
Abuztuak 31, barikua
- 10:00 Diana.
- 10:00 Plentziako 48. Marmitako Txapelketan izen-ematea, Ontziola plazan, 11:30ak arte.
- 11:00 Umeen olinpiadak, Ontziola plazan.
- 13:30 Marmiten aurkezpena, Ontziola plazan, 14:00ak arte.
- 17:00 Marmitako-txapelketaren sari-banaketa, Ontziola plazan.
- 18:30 Umeen playback-lehiaketa, Ontziola plazan.
- 22:00 Zezensuzkoa, Ontziola plazan.
- 22:30 Musika-gaua: erromeria eta bertoko musika-taldeen kontzertua, Ontziola plazan.
Irailak 1, zapatua
- 09:00 Eskualdeko Nekazaritza eta Abeltzaintzaren 126. Azoka, Ontziola plazan.
- 10:00 Diana.
- 12:00 Euskal Jantzi Tradizionalen Erakustaldia. Madalentxuk, Antolintxuk, Madalentxu Txikik eta Antolintxu Txikik gerrikoak eta buruzapiak banatuko dituzte, janzkera ona aitortzeko.
- 16:00 Artisautza-azoka, Ontziola plazan.
- 17:30 IV. San Antolin bertso-jaialdia, Ontziola plazan; bertsolariak: Maialen Lujanbio, Nerea Ibarzabal, Aitor Sarriegi eta Xabat Galletebeitia.
- 19:00 Helduen mozorro-lehiaketa, Ontziola plazan.
- 21:30 Bakarrizketa-gaua, Eleiz plazan.
- 22:00 Zezensuzkoa, Ontziola plazan.
- 22:00 XXIII. Pala Motzeko Txapelketaren finala, Jai Alai pilotalekuan.
- 00:00 DJ Markelin.
Irailak 2, domeka
- 10:00 Diana.
- 10:00 Plentzia La Gallarda I. Familien arteko Herri Krosa, Plazatxotik.
- 11:30 Madalentxu eta Antolintxu Udalbatzagaz elkartuko dira Ontziola plazan, Eleiz plazara igotzeko.
- 12:00 Meza nagusia, San Antolinen omenez, eta aurreskua.
- 13:00 Udal Musika Bandaren emanaldia.
- 14:00 Koktel-txapelketa, fanfarreak eta trikitilariek alaituta.
- 18:00 Txrrindularitza-jolasak, Hondarmendi TKK elkarteagaz, Azurtegiondon.
- 20:00 IX. Plentzia Kantari. Kantu-jira, Plentzia Kantagunegaz, Plazatxotik Eleiz plazaraino, kalez kale.
- 22:00 Zezensuzkoa.
- 23:00 Plentzia Kantagunek antolatutako erromeria Eleiz plazan.
- 23:00 Erromeria Ontziola plazan.
Irailak 3, astelehena
- 10:00 Diana.
- 10:00 Heriotza bako korrokoi-arrantza, Ontziola plazan; izen-ematea, udaletxean.
- 10:00 Tortilla-lehiaketa, umeentzat, Ontziola plazan; izen-ematea, udaletxean.
- 10:00 Entsalada-txapelketa, umeentzat, Ontziola plazan; izen-ematea, udaletxean.
- 13:30 Korrokoi-arrantzaren, tortillen eta entsaladen lehiaketen sari-banaketa, Ontziola plazan.
- 17:30 Umeen eta familien mozorro-lehiaketa, Ontziola plazan. Ondoren, mozorroen sari-banaketa eta Urrezko Abarkak saria ematea; Madalentxu eta Antolintxuren agur-kalejira egin ondoren biak joango dira itsasadarrean barrena; hala amaituko dira jaiak, zezensuzkoaren entzierroaz.
- 00:00 Gazte-olinpiadak, Ontziola plazan.