Jendartea  Plentzia 2018-09-06 08:17

Omenaldia egingo diote Plentziako banderari, 30. urteurrenean

Plentziako banderaren 30. urteurrena ospatuko dute datorren urtean. Urtemuga berezi hori antolatzeko, lehenengo bilera egingo dute irailaren 24an, arrastiko 19:00etan, Goñi Portal kultur etxean.

Omenaldia egingo diote Plentziako banderari, 30. urteurrenean
Plentziako udaletxea, artxiboko irudian. | Ikusi handiago | Argazki originala
1989ko uztailaren 22an jaso zen lehen aldiz udaletxeko balkoian Plentziako bandera, berau diseinatzeko lehiaketa baten bidez aukeratua izan zena. Hori gertatu zenetik 30 urte beteko dira datorren urtean, eta horregatik Udalak omenaldi bat prestatu nahi dio banderari 30. urteurren hori ospatzeko (2019ko uztailaren 22an).

Horretarako, bat egingo dute irailaren 24an Goñi Portalen, lantalde bat osatzeko ekitaldiaren antolakuntzan parte hartu gura duten auzokide denakaz. Horrez gainera, bilera horretan ezagutzera emango dira ospakizunen egitaraua osatzeko ideia batzuk.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa