Goñi Portal Kultur Etxean igogailua eraikiko du Plentziako Udalak

Eraikuntza-lanek hiru hilabete iraungo dute. HODEI TORRES

Iragarri duenez, irisgarritasuna hobetuko du Kultur Etxean. Guztira, 38.800 euro bideratuko ditu Udalak lau solairuak lotuko dituen igogailu berria eraikitzeko.

2001. urtean erosi zuen Udalak 560 metro koadroko baserria, 96.161 euroren truke, eraikina birmoldatuz herritarren kultur-beharrak bertan aseko zirelakoan. Alabaina, mugikortasun urriko pertsonengan ez zuten arretarik jarri, solairu batetik bestera igarotzeko aukerarik ez baitute.

Arazoagaz amaitu guran, udal-iturriek iragarri dute Omega Urban Bizkaia Service enpresak egingo dituela eraikuntza-lanak uda heldu baino lehen, hiru hilabetean. Hala ere, konpromiso berbera hartu zuen Udalak 2017. urtean eta ez zuen esandakoa bete.