Plentziak domina kenduko die diktadura-garaian Udalaren aitorpena jaso zuten frankistei

José Daniel Lacalle Larraga Aire ministroa izan zen Francoren gobernuan, 1962 eta 1969 bitartean. Plentzian igarotzen zituen udak. CC-BY-SA BIBLIOTECA DE ASTURIAS

Frankismoan hainbat pertsonari emandako bereizketak kenduko dituela iragarri du Udalak, "errepresaliatuen memoria" aldarrikatze aldera.

80ko hamarkadan ekin zioten udalerriko kaleen izenak aldatzeari. 2008an, beste pauso bat eman zuen Udalak, 1937an Rafael Melique eta Ramon Bilbao fusilatuak izan ziren plentziarren memoria aldarrikatu baitzuten. Andres Gangoitiri, espetxean hildako preso plentziarrari ere omenaldia egin zioten.

Orduan hasitako bideari eutsi gura diote 2019an, eta hiru pertsona identifikatu dituzte daborduko, frankismo garaian jaso zuten domina kentzeko. José Olano Rodriguez Plentziako alkatea izandakoa aldizka 1912 eta 1954 bitartean, Fernando de Ibarra y López de Doriga, Bizkaiko Foru Aldundiko presidentea 1967 eta 1969 bitartean eta José Daniel Lacalle Larraga, Aire ministroa Francoren gobernuan 1962 eta 1969 bitartean.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun