Atzo, eguaztenean, Ertzaintzak gizonezko bat atxilotu zuen Plentzian, bikotekideari eraso egitea leporatuta, Eusko Jaurlaritzako Segurtasun Sailak jakinarazi duenez. Polizia autonomikoak jasotako salaketaren arabera, gizonezkoak lepotik heldu zuen emakumea, hainbat kolpe ematen zizkion bitartean.
Ertzaintzak zabaldu duenez, emakumeak ihes egiten saiatu zen, baina bere bikotekidea zenak berriro heldu eta bi zaplazteko eman zizkion emakumeari. Salaketaren arabera, gainera, gizonezkoak beste hainbatetan iraindu du biktima.
Jazoera horien aurrean, ertzainek 37 urteko ustezko erasotzailea atxilotu dute genero-indarkeria egotzita. Epailearen esku utzi dute gaur.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
