Udako jaiak 2019

Plentziako Madalenak ere ate-joka

Karmenen ostean arnasarako ia astirik gabe, badatoz Plentziara Madalena jaiak. Aurten lau egunekoa izango da egitaraua, uztailaren 20an (zapatua) hasita.

Eguerdian, suziria bota bezain laster, triki-poteoa egingo dute Madalentxuakaz, eta arrastian Euskal Herriko Sound System Topaketa egingo dute bigarren aldiz. Domekan gastronomia izango da nagusi, paella-txapelketa antolatuko dute eta. Horrez gainera, dantza-erakustaldia izango da Plazatxoan, eta arrastian kantu-jira egingo dute Alde Zaharrean barrena.

Uztailaren 22a da santuaren eguna, eta honenbestez meza egingo dute eguerdian, Madalentxuen eta Udalbatzaren elkarretaratzearen ostean, eta herriko banderari omenaldia egin baino lehen. Arrastian, Oihan Vega izango da giroa pizteko arduraduna, disko-festa gidatuz.

Plentziako Madalena jaien egitarauaren berri izateko, deskargatu gure app-a, doakoa da!