Ertzaintzan jarritako salaketaren arabera, hainbat pertsona gerturatu zitzaizkion eta hura jipoitu zuten telefono mugikorra lapurtzeko.
Plentziako San Antolin jaietan hainbat lagunek jipoitu zutela salatu du 23 urteko gazte batek. Eusko Jaurlaritzako Segurtasun Sailak jakinarazi duenez, joan den martitzenean izan zen erasoa, goizaldeko 05:00ak aldera.
Biktima Plentziako Geltoki kalean zegoen hainbat pertsona gerturatu zitzaizkionean; segituan hura jipoitu eta telefono mugikorra lapurtu zioten, salaketaren arabera. Biktimak ez zuen osasun-arretarik hartu behar izan eta segituan salaketa ipini zuen Ertzain-etxean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!