Plentziako Udalak Zubi Zuriko pintaketak kendu ditu

Panelak garbitutu dituzte egunotan. © PLENTZIAKO UDALA

Udalerriko ondarea zaindu eta babesteko asmoz, Plentziako Udalak jakinarazi du Zubi Zurin dauden panelak garbitu dituela. Azaldu dutenez, "bandalismoaren eraginak jaso zituzten hamar irudi baino gehiagok, erabat estaltzen zituzten pintadarik gabe ageri dira jada".

Metro geltokiaren irteeran dagoen zubiak XIX. mendeko eta XX. mende hasierako Plentzia zuri beltzean irudikatzen duten dozenaka argazki ditu; azkenaldian, pintadak ikus zitezkeen horietako askotan, hala, Udalak horiek garbitu ditu egunotan, EH Bilduk irailean eskaera hori egin ondoren. Horretarako, 3.000 euro bideratu dituzte udal-arduradunek 2010. urtean panelak instalatzeaz arduratu zen enpresa berdina kontratatzeko. Enpresa horrek, kalteak jaso zituzten 16 tauletatik 10 aldatu eta irudi berriak ipini ditu.

Eguraldiak laguntzen duen heinean, aste honetan zehar gainerako 6 taula inprimatuen konponketa lanak egingo dira, "garbiketarako produktu berezi bat aplikatu behar baita panelen gainazala kaltetu ez dadin".