Koronabirusa Uribe Kostan

Errolda-agiria telematikoki eskuratu ahal izango dute hipotekaren luzamendua eskatu gura dutenek

"COVID-19ari aurre egiteko dekretatu den alarma-egoera dela eta, salbuespen gisa eta bakar-bakarrik higiezinen hipoteka-zorren luzamendua eskatu nahi duten pertsonentzat, aukera egongo du errolda-ziurtagiria telematikoki eskuratzeko", azaldu du Plentziako Udalak.

Luzamendua zaurgarritasun-egoeran daudenei aplikatzen zaie, alegia, hiru kasu hauetakoren batean daudenei:

  • Zorduna langabezian gelditu bada edo, enpresaria edo profesionala
    bada, diru-sarrera edo salmenten galera handi bat jasan badu (gutxienez %40koa).
  • Eskaera egin aurreko hilabetean, familia-unitateko kide guztien diru-sarrerak ez
    baziren OAEAP baino hiru bider handiagoak (1.653,52 euro). Muga hori handitzen
    joango da familia-unitateko pertsona nagusien, adin txikikoen eta ezgaitasuna
    duten pertsonen arabera.
  • Hipoteka-zorra eta oinarrizko gastu eta hornidurak familia-unitatearen diru-sarrera garbien %35 baino handiagoak badira.
  • Osasun-larrialdiaren ondorioz, familia-unitateak aldaketa esanguratsua jasan badu
    bere egoera ekonomikoan etxebizitza bat eskuratzeari dagokionez. Hori
    gertatuko da hipotekak familiaren errentan duen karga gutxienez 1,3 bider
    handiagoa denean.

Errolda-ziurtagiria eskatzeko, udalaren webgunean dagoen eredua deskargatu eta behin ondo beteta (16 urte edo gehiago dituzten etxeko guztien sinaduragaz eta NAN zenbakiagaz), udala@plentzia.eus helbidera bidali.

Luzamendu-eskaerak aurkezteko epea alarma-egoera amaitu eta hamabost egunera artekoa izango da.

Erlazionatuak

Plentziak bat egin du Eusko Jaurlaritzaren Guztion Artean elkartasun-sareagaz

Plentzia

Eusko Jaurlaritzak sustatutako laguntza-sarean parte hartzeko deia egin die herritarrei Plentziako Udalak. Izan ere, koronabirusaren krisiak eragin...

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun